Jean COYET et Huget JUMEL, soldats du seigneur de
Melein
(AD59, B1738, folio 19)
En 1523 Arras, aprs un repas trop arros
lauberge, les soldats Jehan COYET et Huget JUMEL se querellent propos dun
butin de guerre avec Melchior de HENU qui, bless coups dՎpe, dcde de
plus tard.
Charles, par la divine clmence etc, savoir faisons
tous, prsens et avenir, vous avoir receu lumble supplicacion de Jehan COYET
et Huget JUMEL cousins compaignons de guerre, nagaires soubz la charge du feu
seigneur de Melein, contenant comment la nuyt Saint Martin lan XVC
XXIIII, ainsi que lesdits suplians feu lors vivant Symon DESBUREAULX dit
Despre, Frecq SAULMON, Melchior de HENU et autres compaignons de guerre,
estoient en notre ville dArras en la taverne de
la Fleur de Lyz dOr, faisans bonne chire ensemble. Certaines
parolles et question se meult entre lesdits DESBUREAULX et Huget supliant, pour
raison cause du butin fait ou quartier dAbbeville, par lesdits suplians
DESBUREAULX, de HENU et pluiseurs autres gens de guerre, tant de cheval que de
piet, en grant nombre, estans lors soubz la charge de Frdrick seigneur de
Melein, et duquel butin ledit Huget supliant estoit ung des butiniers. De sorte
que les parolles entre lesdits DESBUREAULX et Huget supliant se eslevrent si
hault que ils estimoient valoir lun lautre et de fait widrent hors ladite
maison en la rue. Et eulx y estans surprins de boire desgaignrent leurs espes
et frapprent lun aprs lautre. Quoy oyant par lesdits COYET supliant et de
HENU, wydrent aussi ladite maison intencion par lesdits COYET, de aydier
ledit Huget son cousin qui estoit dsi navr et par ledit de HENU ledit
DESBUREAULX son compaignon. Raison de quoy ilz frapprent tous ensemble lun
sur lautre et tellement se entremellrent que iceulx suplians et de HENU
furent bleschiez sang courant et playes ouvertes. Et par espa ledit
DESBUREAULX receut desdits suplians ung coup sur lespaulle et ung autre
environ les rains. Au moyen desquelz cops par faulte de soing, bon appareil ou
autrement, trois sepmaines aprs ou environ, il termina vie par mort.
Donn en notre ville de Malines ou mois de fvrier
lan de grace mil cincq cens vingt six, et de noz rgnes assavoir des Romains
et germains etc le VIIIe, et de Castille et autres, le XIe ;
par lempereur en son conseil ; Verderue.
[esparer = ruer]